屯門|頂立

🍽🍽🍽🍽🍽🍽🍽🍽🍽🍽🍽 地址：屯門井財街20B號錦發大廈紅橋井號鋪 環境：係coffee shop 又係烏冬店。裝修日式非常型格，店面黑色神秘，掛滿唔同日本魔鬼面具，非常具特色。 特色： 「鮮味x珈啡」主題嘅烏冬店，餐牌貴精唔貴多，有天、地、海三款湯底烏冬、特色咖啡同手工甜品。 //Cold brew// 咖啡豆每隔一段時間就會轉一轉，今次係危地馬拉東方日曬 mix 埃塞俄比亞日曬耶加雪菲， 入口酸甜有朱古力味 //海．頂立烏冬// //限．頂立烏冬// 烏冬用咗稻庭烏冬，入口爽滑彈牙，除左湯頭，所有配料係固定，有油揚、海帶、味筍、竹輪、雲耳同叉燒，款款索晒湯汁勁好食。 湯汁方面，「海．頂立烏冬」用清酒+鰹魚+昆布+龍蝦殼同蝦頭熬製湯汁，湯頭鮮甜。 而「限．頂立烏冬」以「天．頂立烏冬湯底」再進行改良，微辣有胡椒味，口感幾得意。 先飲咖啡，再食烏冬係店主提倡嘅獨特食法。 我跟指示飲完住食，入口真係會比齋食有小小唔同，飲完再食會更提鮮。 //提拉米蘇// 即叫即砌，可要求手指餅浸得脆身或硬身啲，我就未食過脆嘅Tiramisu，所以就要求食脆身啲，入口會更有咬口 //昭和風硬布丁// 布丁蛋香，彈彈滑滑，焦糖味濃。